- ليه يا حبر بتحكم فينا نتولد فى المهد بورقة بيضا عليها شوية حبر لينا .
- ونموت فى اللحد بورقة بيضا عليها شوية حبر علينا ... ليه يا حبر بتحكم وتتحكم فينا .
- حتى حب رنا كان نهايته ورقة علينا على ايد الموثق الشيخ مأذون علشان يثق فينا ...ليه يا حبر بتحكم وتتحكم فينا .
- فالورق الأبيض حياه ينزل عليه الحبر الأسود يعنى الحداد والحزن لينا ... ليه يا حبر بتحكم وتتحكم فينا
- ليه يا حبر تبيع وتشترى فينا تبيع ببنك نوت ضاغط علينا ... وتشترى ببنك نوت مش عايز يجينا أصله حبر على ورق بيحكم ويتحكم فينا .
- ليه ياحبر مش بتهدينا ده ختم النسر بيتحكم فينا الورقة البيضا من غيره تبقى حتة زينا والشيك الحكومى من غيره لم يعطينا أصله حبر على ورق بيحكم ويتحكم فينا .
- الحبر فى بصمة ايدينا يتحكم فينا وفى أهالينا بيجرى ورانا فى دروبنا وفى حوارينا غصب عنى مش عارف أهرب منه أصله وهم بيقول أنه شافينا وعافينا أصله حبر على ورق بيحكم ويتحكم فينا .
- ساعات يا حبر تبقى فرحة نعبر بيها فى اغانينا وساعات بتبقى ألم وطعنة بتقطع فينا ومع ذلك بنلف وبندور وبنادى يا حبر الحقنا وانقذنا من غرق السفينا مع أنه وهم على ورق بيحكم ويتحكم فينا .
- طوف وشوف الكون كله هايم ملهوف على شوية حبر فى وثيقة واتفاقيه وعهود كله ده على ورق مهفوف بشوية هوا طاير وحايرأصله ده حبر على ورق بيحكم ويتحكم فينا .
- علشان تقول وداع يا حبر لازم كل شيئ يكون ابيض كبياض فؤادينا ودى فطرة خلقنا أصلى الضمير أبيض والهدى من هادينا .
- نقول وداع ياحبر مش مستحيل عشان نرتاح يا ناس نخلص الحبر من الكون قالو الحكماء يبقى احنا على ابواب جنان الله وبيستقبلنا فى الفردوس الأعلى شافعنا ونبينا ... أصله ده حبر على ورق بيحكم ويتحكم فينا .
الخميس، 16 يونيو 2011
شعر حر (حبر على ورق )
الاشتراك في:
تعليقات الرسالة (Atom)
ليست هناك تعليقات:
إرسال تعليق